بهترین آب معدنی جهان

او سؤزلو گوزلرینین حسرتینده یم گوزلیم
یئتیش هارایه بیلیرسن چتینده یم گو زلیم
منیم سوراغیمی توتماق خیالین اولسا اگر
اؤز اؤلکه مین هله ده غربتینده یم گوزلیم
اؤزونو غیره ساتان ماهنی سیندا گزمه منی
سازین سؤزونده عاشیق صحبتینده یم گوزلیم
منی ساتیرسان اگر قیمتیمی سیندیرما
قوجالمیشام سا جاوان قیمتینده یم گوزلیم
مثلده وار بویونوندور گولوم قولین سینیقی
نه چاره منده سنین قسمتینده یم گوزلیم
آچانمیرام بو اؤره ک نیسگیلین گلیب گئدنه
داغیم آغیر ساوالان هیبتینده یم گوزلیم
داریخمیشام اوره گیم چیرپنیر عومور تله سیر
یوبانما گل که سفر نیتینده یم گوزلیم
ساتیلمارام، یار الیلن ساتیلماسام «عاصم»
اولونجه اؤز ائلیمین خدمتینده یم گوزلیم